MAGALANG, Pampanga --- Pinasalamatan at pinuri ng alkalde ng bayang ito ang kapulisan sa pagkaka aresto ng isang drug personality at pagkakasamsam ng aabot sa P1.5 milyong halaga ng iligal na droga.
Ibinigay ni Mayor Malu Paras Lacson ang pahayag nitong Linggo matapos ang isang matagumpay na operasyon kontra droga ng Magalang Police Station sa pangunguna ni PLT. Col. Michael John Riego sa Barangay Dolores noong May 1.
Arestado ang isang July Baluyut y Moral, 32, residente ng Brgy. Duquit, Mabalacat City.
Kumpiskado mula sa suspect ang shabu na may halagang P1.5 milyon.
Ayon kay Lacson puspusan ang ginagawang kampanya ng lokal na pamahalaan at ng kapulisan upang gawing "drug free" ang bayang ito.
Nagbabala din ang babaeng alkalde sa mga taong dumadayo pa sa Magalang upang mag suplay ng droga at gumawa ng anumang iligal na gawain.
Dagdag pa nito, seryoso at agresibo ang LGU at kapulisan sa pagsugpo sa iligal na droga at pagdakip sa mga taong sangkot dito. (Jimjim Hipolito)
Mayor Malu Paras Lacson
Ang aktwal na pagkaaresto ng isang drug suspect at pagkarekober ng P1.5 milyong halaga ng shabu sa Brgy. Dolores, Magalang noong May 1.
Comments