MABALACAT CITY --- Arestado ang dalawang hinihinalang tulak ng iligal na droga sa magkasunod na buy-bust operation na isinagawa ng Mabalacat Drug Enforcement Unit sa Northville 16, Brgy. Atlo Bola sa syudad na ito ngayong Lunes ng umaga. (April 1, 2019)
Ayon kay PSUPT. Maharlika Oscar Villasis, hepe ng Mabalacat Police Station ang operasyon ay bahagi ng simultaneous One Time Big Time operation na ipinatutupad ng Pampanga Police Provincial Office sa pangunguna ni PSSUPT. Jean Fajardo.
Narekober mula sa mga suspect ang 7 pakete ng hinihinalang shabu, drug paraphernalia at marked money.
Inihahanda na ang kasong Sections 5 at 11 ng RA 9165 o Comprehensive Dangerous Drugs Act laban sa dalawa.
Comments